بسم الله الرحمن الرحيم
اولا انى احبكم فى الله
اسمعونى بقى انا اخوكم وزميلكم فى المدرسة بس انا مش هاكتب اسمى ده لا خوف ولا جبن ده بس احاطة وحرص علشان مايحصلش مشاكل ومين عارف ممكن تعرفونى بس اللى يعرفنى ولا كانه عرفنى خلاص يا رجالة اتفقنا ؟ اتفقنا ماشى نبدأ بقى ...........
حد يرجع معايا كدة بالذاكرة ورا شوية ليوم 3\10\2009 حد فاكر اليوم ده ؟ اللى مش فاكر نفكره ونقوله ده كان اول يوم فى العام الدراسى الجديد وانا الوقتى بوجه كلامى لطلبة مدرسة مبارك اللى هما الوقتى فى اولى وتانية ثانوى فى اليوم ده ولغاية فترة قريبة جدا كانت المدرسة على ماهى عليه منذ انشائها بل واسوء مما كانت عليه الجدران مكتوب عليها والفصول من يوم ماالمدرسة اتبنت وهى زى ماهى وكل سنة بتبوظ اكتر واكتر وبتوع المدرسة لما قعدوا يقولونا انفلوانزا الخنازير وانفلوانزا الكلاب ومعرفش ايه والكلام ده اللى لا بيودى ولا بيجيب لان الاعمار بيدى الله وماحدش بيموت ناقص عمر وده عموما اللى احنا شاطرين فيه نهتم بالتفاهات وننسى الحاجات التانية اللى احنا محتاجينها محتاجين مدرسين يدخلوا الفصول يشرحوا بضمير ويراعوا ربنا فى شغلهم وكل مدرس يشتغل فى الفصل زى ما بيشتغل فى مجموعة الدرس هايرد عليا بعض الناس ويقولولى لا دا احنا عندنا مدرسين كويسين وبتاع ماشى انا معاكم احنا عندنا افضل مدرسين على الخط كله بس فى الدروس بس لكن مدارس ماقدرش اتفق معاكم لان كل مدرس جاى مهتم بعمل بيزنس وشغل ومعظمهم قالب المدرسة قهوة والباقى قالبها مجموعة درس خصوصى واللى ليه ابن فى المدرسة لازم يطلع فى الترتيب حتى لو ماكانش شاطر ولا يستاهل بس اسمه ابن الاستاذ كذا اطلعكم من الغم ده شوية بس ارجوكم فهمونى حاجة هو فين الصابون اللى كان محطوط فى الحامات فى اول السنة اظن انه باشى من المية اللى بتنزل عليه اللى بعد كدة بنيجى ندور عليها مش لاقينها هايقولونا كل حمام فيه جردل صابون ومطهر هاقولهم مطهر ايه ده ابو الكيس بربع جنيه وتفضوه فى برميل مية يا جدعان حرام عليكم اتقوا الله ........... لسة هاكمل فى الزيارة اللى جاية ومستنى ردود طلبة المدرسة وزى ماقولتلكم فى الاول ماحدش يزعل منى انا بقول اللى انا حاسس بيه ولسة هاقول اللى فيه المفيد ان شاء الله قريب جدا باى باى
الجمعة أبريل 30, 2010 5:46 am
